Faamatalaga e lē faalauaiteleina

Mo le faatulaga o se avanoa e fai ai ou tuipuipui o le COVID-19 e moomia ona matou aoina nisi o faamatalaga mai ia te oe e faaaogā ai le faiga 'Book My Vaccine.' Saili po o ā faamatalaga o lo o matou faamaumauina, nofoaga o teu malu ai, ma tagata e mafai ona mauaina faamatalaga.

Faamatalaina o le Book My Vaccine

O le Book My Vaccine o se faiga e faatulaga ai le aso e fai ai tuipuipui o le COVID-19 ua saunia e le Matagaluega o Soifua Maloloina. E mafai ai ona e:

faatulaga aso e fai ai tuipuipui o le COVID-19
sui pe taofi le aso na faatulaga e fai ai tuipuipui

O ā faamatalaga ua aoina

O le a moomia ona e tuuina mai faamatalaga e patino ia te oe ma faamatalaga e faafesootai atu ai e faatulaga ai le faiga o tuipuipui.

E mafai ona faaaogā faamatalaga e patino ia te oe po o le tagata lena e te faatulagaina le aso po o lana lesitala (e moomia ona e faamaonia o tulaga nei na faataga oe e fai).

Ituaiga faamatalaga	Faamalosia/tuu atu i lau faitalia	Aisea matou te aoina ai nei faamatalaga?
Igoa muamua ma le faaiu (o isi igoa pe a e manao ai)	Faamalosia	E faaaogā e: faatulaga ai le aso ma le taimi iloa ai oe pe a e auai i le aso e fai ai lou tuipuipui faatusa ai oe i lau numera NHI. Faamalosia
Igoa muamua ma le faaiu e te manao ai	E tuu i le faitalia pe fai	E faaaogā e: iloa ai oe pe a e auai i le aso e fai ai lou tuipuipui faatusa oe ma lau numera NHI (atonu na e faaaogāina le igoa e te manao e iloa ai oe i le uluai taimi na faia ai lau numera NHI). E tuu i le faitalia pe fai
Aso fanau	Faamalosia	E faaaogā e: faatulaga ai se aso iloa ai oe pe a e auai i le aso e fai ai lou tuipuipui faatusa ai oe i lau numera NHI fesoasoani e lipotia ai faamaumauga i le faitau aofai o ituaiga tagata. Faamalosia
Imeli e faafesootai atu ai ma/po o le numera e faafesootai atu ai	Faamalosia (ua lava le tasi e tatau ona e tuuina mai)	E faaaogā e: lafo atu ai se faamaoniga ma faamanatu atu ai le aso e fai ai tuipuipui faafesootai atu ai oe e tusa ma le faiga o ou tuipuipui – mo se faataitaiga pe afai e moomia ona faamaonia, toe faatulaga se isi aso, pe ua misi ona e auai i le faiga o lou tuipuipui Faamalosia (ua lava le tasi e tatau ona e tuuina mai)
Itupa	Tuu i le faitalia – e mafai ona e filifili 'e te lē fia faailoa'	E faaaogā e: faatusa ai oe i lau numera NHI fesoasoani e lipotia ai faamaumauga i le faitau aofai o ituaiga tagata. Tuu i le faitalia – e mafai ona e filifili 'e te lē fia faailoa'
Ituaiga tagata	Faamalosia	E faaaogā e: faatusa ai oe i lau numera NHI fesoasoani e lipotia ai faamaumauga i le faitau aofai o ituaiga tagata. Faamalosia
Tuatusi	E tuu i le faitalia pe fai	E faaaogā e: iloa ai oe pe a e auai i le aso e fai ai lou tuipuipui faatusa ai oe i lau numera NHI. E tuu i le faitalia pe fai
Moomia le fesoasoani	E tuu i le faitalia pe fai	E faaaogā e mafai ai ona matou tuuina atu le lagolagosua o e moomia pe a e auai e fai lou tuipuipui. E tuu i le faitalia pe fai
Nofoaga, aso, ma le taimi na faatulagaina	Faamalosia	E faaaogā e faamaonia ai aso na faatulaga. Faamalosia
Faamaonia ua e taliaina la matou faamatalaga e lē faalauaiteleina	Faamalosia	E faaaogā e faamaonia ai ua e malamalama i auala o pulea ai e le Matagaluega o Soifua Maloloina tulaga e lē faalauaiteleina. Faamalosia
Faamaoniga na tuuina atu ia te oe le faatagana e mafai ai ona e faatumua faamatalaga mo se tasi	Faamalosia	E faaaogā e faamaonia ai e le Matagaluega o Soifua Maloloina na tuuina atu le pule e avea ai oe ma sui e faatulaga le aso mo se tasi. Faamalosia
Numera NHI na e tuuina mai	E tuu i le faitalia pe fai	E faaaogā e faatusa ai lau numera NHI i faamaumauga o iai. E tuu i le faitalia pe fai

O le a matou faamauina foi ma teuina:

Ituaiga faamatalaga	Faamalosia/tuu atu i lau faitalia	Aisea matou te aoina ai nei faamatalaga?
Lau numera NHI na faatusa e le Matagaluega o Soifua Maloloina	Faamalosia pe afai na mafai ona faatusa	E faaaogā e fesootai ai faamaumauga ua faamauina i lau numera NHI ina ia mafai ona faaaogā i le taimi e fai ai lou tuipuipui. E fesootai ai oe i lau numera NHI ma matou iloa ma pulea ai aso na faatulagaina e lē moni. Faamalosia pe afai na mafai ona faatusa
Faamaonia ma faamauina sa auai	Faamalosia pe afai na mafai ona faatusa	E faaaogā e faamaonia ai le Faiga o Faatulaga ai Aso pe a auai ma toe tulitatao ai pe a misi ona auai. Faamalosia pe afai na mafai ona faatusa

Lipoti

Matou te faaaogāina faamatalaga e patino ia te oe e lipotia ai faamaumauga faafuainumera e mafai ai ona iloa le tulaga aoao ua oo i ai aso na faatulagaina - e lē faailoa ai oe i nisi o lipoti nei.

Faatusatusaina o le numera NHI

O le a matou fesootai lau numera National Health Index (NHI) i ou faamaumauga e mafai ai ona faatusa pe sa'o. O lau numera e patino ia te oe e iloa ai oe i faamaumauga a le soifua maloloina.

E ono faafesootai atu oe e le matou vaega pe afai e lē o mafai ona matou faatusatusa oe i lau numera NHI ma o le a saunia se isi numera fou mo oe pe a talafeagai ai.

Ua taofi le aso na faatulagaina

Afai matou te taofia le faataunuu ai o se tuipuipui ona o nisi o mafuaaga, o le a logo atu oe i faamatalaga na e tuuina mai e faafesootai atu ai ma fautua atu i le faiga e toe faatulaga ai se isi taimi ma le aso e fai ai tuipuipui.

E ono taofia le faia o tuipuipui i aso na faatulagaina pe afai e lē o mafai ona faatusatusa oe i se numera NHI ma e lē o mafai ona maua atu oe i faamatalaga e faafesootai atu ai na e tuuina mai.

Faiga taufaasese na faatulaga ai aso

E ono faailoa atu i isi matagaluega faamatalaga pe afai ua matou masalomia na taufaasese le faatulaga ai o le taimi ma le aso, po o le taumafai e faaaogā le igoa o se isi tagata.

Afai o loo faatulaga le taimi ma le aso e fai ai tuipuipui e se isi o fai ma ou sui

E mafai ona e faatagaina se isi tagata na te faatulaga se aso mo oe, ae tatau ona ia faamaonia mai ua iai lau maliega e na te faia ai lea tulaga.

Faatulaga se avanoa mo tupulaga laiti ma tamaiti

Mai 5 i le 11 tausaga le matutua

E agavaa tamaiti mai le 5 i le 11 tausaga le matutua mo se tui e fai mo tamaiti o le Pfizer.

E fautuaina le faatulaga o se avanoa e se tasi o mātua po o se isi o tausia le tamaitiiti. E ese tuipuipui o le COVID-19 mo i latou mai le 5 i le 11 tausaga le matutua ma o le mafuaaga lea e tāua ai le sa'o o tausaga ua filifilia pe a faatulaga se avanoa.

E moomia i se tasi o mātua, tagata o tausia le tamaitiiti, pule faaloia faatulafonoina, po o whanaungatanga ona auai faatasi ma le tamaitiiti i le taimi e faia ai tuipuipui i lona tulaga o le tagata matua e vaaia le tamaitiiti.

O le a faatalanoa e le sui o le soifua maloloina le aso e faia ai tuipuipui faatasi ai ma le tagata matua ma le tamaitiiti. O le a faia ai so o se fesili ma e tatau i le tagata matua ona ia faamaonia ua taliaina le faia o le tuipuipui o le tamaitiiti.

Tuipuipui o le COVID-19 ma tamaiti: Faamatalaga mo mātua ma tagata o tausia tamaiti (Mai 5 i le 11 tausaga le matutua)

Mai le 12 i le 15 tausaga le matutua

E agavaa tupulaga laiti mai le 12 i le 15 tausaga le matutua i le tui autu o le Pfizer.

Matou te fautuaina tupulaga laiti e faatalanoa tuipuipui ma aiga po o se tagata lagolagosua latou te faatuatuaina.

O le a faatalanoa e le sui o le soifua maloloina le tuipuipui ma i latou nei a o lei faia le tuipuipui ma tali so o se mea o fia fesili ai. Afai ua latou malamalama lelei i le mea o le a fai, e mafai ona latou faapea atu ioe pe leai i le faia o le tuipuipui. E mafai ona talia e se tasi o mātua po o se tasi o tausia i latou, pe afai e manao ai.

Tuipuipui o le COVID-19 ma tamaiti: Faamatalaga mo mātua ma tagata o tausia tamaiti (Mai le 12 i le 15 tausaga le matutua)

Tausisia le saogalemu o faamatalaga e patino ia te oe

O faamatalaga e patino ia te oe o le a faamauina ma puleaina e tusa ai ma le Privacy Act ma le Health Information Privacy Code. Ua saunia faiga malupuipuia e puipuia ai faamatalaga e patino ia oe mai tagata e lē faatagaina ona latou mauaina faamatalaga.

E tapulaa tagata e faataga ona latou mauaina faamatalaga e patino ia te oe. Ua faamauina ma e mafai ona sueina e tagata suetusi le mauaina o nei faamatalaga e patino ia te oe.

Matou te faaaogāina le Amazon Web Services mai le ofisa autu i Sini, Ausetalia e mafai ai ona matou faaaogā le faiga Faatulaga La'u Tuipuipui.

Tagata e mafai ona faitau ma maua faamatalaga e patino ia te oe

O le a matou faailoa faamatalaga e patino ia te oe i tagata ma faalapotopotoga o loo aofia i le puleaina o le faamauina o aso e fai ai ou tuipuipui ma saunia le tuipuipui mo oe. E moomia le mafai ona matou:

iloa oe pe a e faamau le aso e fai ai lou tui ma lou auai ai i le aso ua faatulagaina
faafesootai atu oe pe a matou maua faamatalaga talafeagai pe fesoasoani i au taumafaiga e mafai ai ona e auai
fesootai ou faamatalaga i lau numera NHI ma le COVID-19 Immunisation Register pe a e auai i le aso e fai ai lou tuipuipui
puleaina punaoa ina ia mautinoa o gafatia le tele o tuipuipui i le nofoaga tonu ma le taimi tonu o moomia ai
iloa ma faaleleia ai polokalame fai mo tuipuipui i auala nei:
- e lipotia ai le numera o tagata na faatulaga aso ma auai i le faiga o tuipuipui
- e malamalama ai i le toatele o tagata e gafatia ona auai i totonu o se nofoaga
- e mataituina ai le aogā o le polokalame fai mo tuipuipui.

E lē gata i lea, o le a faamauina faamatalaga e patino ia te oe i le nofoaga a le Matagaluega o Soifua Maloloina ma e faaaogā i galuega e tali atu ai i le COVID-19. E ono aofia ai le faatusa i isi faamaumauga a le Matagaluega o Soifua Maloloina. E lē faailoaina lou tagata i soo se lipoti e saunia o se vaega o lipoti e tatau ona faia mo galuega nei.

Afai e i lalo ifo ma le 16 tausaga lou matua, e mafai ona talosaga e se tasi o mātua po o se tasi o tausia oe faamatalaga o fia maua.

O le a aoina foi faamatalaga mai ia te oe pe a e auai i le aso e fai ai au tuipuipui. O le aufaigaluega e faia tuipuipui latou te puleaina le aoina o faamatalaga o moomia.

Tuipuipui o le COVID-19 ma ou tulaga e lē faalauaiteleina

O le umi e teuina ai faamatalaga e patino ia te oe

O le a teuina faamatalaga e patino ia te oe i totonu o le faiga Book My Vaccine, ma le nofoaga a le Matagaluega o Soifua Maloloina seia faalēaogāina le COVID-19 Public Health Response 2020, po o se tulaga o tāpā ai e le Public Records Act 2005.

Mauaina po o le suia o faamatalaga e patino ia te oe

A e fia faitau i so o se faamatalaga e patino ia te oe o lo o matou teuina, po o ni ou atugaluga po o ni fesili e uiga i faamatalaga e patino ia te oe o lo o matou teuina ma e te manao e fai ni faasa'oga:

Imeli: hnzPrivacy@health.govt.nz

Tusi i le:
The Privacy Officer
Ministry of Health
PO Box 5013
Wellington

E ono talosagaina lou tuuina mai o faamaoniga e iloa ai lou tagata moni a o lei tuuina atu ni faamatalaga e patino ia te oe.

Google Analytics

Matou te faaaogāina le Google Analytics e ao ma iloilo auiliili ai faamatalaga i le faaaogāina o la matou upegatafailagi. E leai ni gaioiga e taumafai ai e iloa tagata taitasi o faaaogāina auaunaga. E mafai ona e filifili e te lē manao e ao e le Google Analytics faamatalaga e patino ia te oe pe a e tago e aveese le cookies o faailoa atu i lau komepiuta pe kopi i lau komepiuta le faiga e ta'ua o le Google Analytics Opt-out.

O faamatalaga na aoina e aofia ai le tuatusi o le IP, o itulau na e faitau ai faamatalaga i luga o le upegatafailagi ma links na e tatalaina, o le aso ma le taimi na e tagai ai i le upegatafailagi, o se isi upegatafailagi na talosaga oe e te tagai i ai (pe afai o le tulaga lea), o le faiga o faagaioi ai lau masini faatekonolosi, ma le nofoaga i luga o le initaneti na e maua ai le upegatafailagi, ma isi faamatalaga talafeagai e pei o le lautelē e mafai ai ona e iloa atu faamatalaga ma gagana o faaaogā. E faaaogā foi le Google reCAPTCHA.

Google Analytics Privacy Policy

Faafesootai mai matou

Afai e iai ni ou atugaluga e uiga i tulaga e lē faalauaiteleina imeli le hnzPrivacy@health.govt.nz.

Afai e te lē o malie i se tali ua tuuina atu e tusa ai ma ni atugaluga i faamatalaga e lē faalauaiteleina, e mafai ona e faafesootai le Office of the Privacy Commissioner:

Faafesootai le Privacy Commissioner