Tauākī tūmataiti

Hei tāpui i tō kano ārai mate KOWHEORI-19, me kohi mātou i ētahi mōhiohio mai i a koe mā tā mātou pūnaha tāpui 'Tāpuitia Taku Kano Ārai'. Kimihia ngā mea e hopu ana mātou, te wāhi e puritia ana, ka taea e wai te āhei atu.

Mō te Tāpuitia Taku Kano Ārai

Ko te Tāpuitia Taku Kano Ārai te pūnaha tāpui KOWHEORI-19 e whakaratoa ana e te Manatū Hauora. Ka taea e koe te:

tāpui i ō toronga kano ārai mate KOWHEORI-19
rēhita, kia taea ai te whakapā atu ki a koe ina māraurau ana koe ki te tāpui
panoni, te whakakore rānei i ō toronga kano ārai mate.

He aha ngā mōhiohio ka kohia

Me mātua tuku koe i ētahi mōhiohio whaiaro me ētahi taipitopito whakapā ki te tāpui, ki te rēhita rānei.

Ko ēnei ō taipitopito, ngā taipitopito rānei o te tangata mōna e whakaoti nei koe i te tāpuitanga, te rēhitatanga rānei (me whakaū koe kei a koe tō rātou whakaaetanga).

Te momo mōhiohio	He mea whakahau/kōwhiri	He aha mātou e kohi nei i ēnei mōhiohio
Kāwai māraurau	He mea whakahau	Ka whakamahia hei whakatau mēnā e āhei ana koe ki te tāpui i tō kano ārai mate ināianei, a taihoa ake rānei. He mea whakahau
Ingoa tuatahi me te ingoa whānau (he kōwhiringa te ingoa waenga)	He mea whakahau	Ka whakamahia ki te: whakarite i tō tāpuitanga tautuhi i a koe i ō toronga kano ārai mate whakaōrite i a koe ki tō tau NHI. He mea whakahau
Ingoa tuatahi me te ingoa whānau mariu	Kōwhiringa	Ka whakamahia ki te: tautuhi i a koe i ō toronga kano ārai mate whakaōrite i a koe ki tō tau NHI (i whakamahia pea e koe tō ingoa mariu i te wā i tautapa tuatahitia ai te NHI). Kōwhiringa
Rā whānau	He mea whakahau	Ka whakamahia ki te: whakarite i tō tāpuitanga tautuhi i a koe i ō toronga kano ārai mate whakaōrite i a koe ki tō tau NHI āwhina i nga pūrongorongo hangapori. He mea whakahau
Īmēra whakapā, waea whakapā hoki/rānei	He mea whakahau (me tuku rawa mai i tētahi o ēnei, neke atu rānei)	Ka whakamahia ki te: tuku i te whakaūnga o tō toronga me ngā whakamaharatanga whakapā atu ki a koe e pā ana ki ō toronga – hei tauira mēnā e hiahia ana koe ki te whakahāpono, te whakarite anō, mēnā rānei i hapa. He mea whakahau (me tuku rawa mai i tētahi o ēnei, neke atu rānei)
Ira tangata	Kōwhiringa – ka taea e koe te kōwhiri 'kāore e hiahia whāki'	Ka whakamahia ki te: whakaōrite i a koe ki tō tau NHI āwhina i nga pūrongorongo hangapori. Kōwhiringa – ka taea e koe te kōwhiri 'kāore e hiahia whāki'
Mātāwaka	He mea whakahau	Ka whakamahia ki te: whakaōrite i a koe ki tō tau NHI āwhina i nga pūrongorongo hangapori. He mea whakahau
Wāhi Noho	Kōwhiringa	Ka whakamahia ki te: tautuhi i a koe i ō toronga kano ārai mate whakaōrite i a koe ki tō tau NHI. Kōwhiringa
E hiahiatia ana te āwhina	Kōwhiringa	Ka whakamahia kia āhei mātou ki te whakarato i ō hiahia ina haere koe ki ō toronga. Kōwhiringa
Ngā tauwāhi, ngā rā me ngā wā tāpui	He mea whakahau	Ka whakamahia hei whakaū i ō tāpuitanga kano ārai mate. He mea whakahau
He tūtohu i tō whakaaetanga ki tā mātou tauākī tūmataiti	He mea whakahau	Ka whakamahia hei whakaū i tō mōhio ki te āhua o te whakahaere a te Manatū Hauora i tō tūmataititanga. He mea whakahau
Whakaūnga kua whiwhi whakaaetanga koe mēnā e whakakī ana koe i te puka mō tētahi atu	He mea whakahau	Ka whakamahia hei whakaū ki te Manatū Hauora e whai mana ana koe hei tāpui mō tētahi atu tangata. He mea whakahau
Te tau NHI i tukua e koe	Kōwhiringa	Whakamahia ai hei āwhina ki te whakaōrite i tō tau NHI. Kōwhiringa

Mā mātou hoki e hopu me te rokiroki:

Te momo mōhiohio	He mea whakahau/kōwhiri	He aha mātou e kohi nei i ēnei mōhiohio
Tō NHI i whakaōritea e te Manatū Hauora	He mea whakahau mēnā ka taea te whakataurite	Whakamahia ai hei hono i ō mauhanga tāpui ki tō tau NHI kia taea ai te whakamahi i roto i ō toronga. Mā te hono i a koe ki tō tau NHI ka āwhina i a mātou ki te tautuhi me te whakahaere i ngā tāpuitanga kāore pea i te pono. He mea whakahau mēnā ka taea te whakataurite
Whakaūnga i tutuki te tāpuitanga	He mea whakahau mēnā ka taea te whakataurite	Whakamahia ai hei whakaū i roto i te Pūnaha Tāpui mēnā i tae atu te tangata ki tētahi tāpuitanga, me te whaiwhai ake i ngā toronga i hapa. He mea whakahau mēnā ka taea te whakataurite

Pūrongo

Ka whakamahi mātou i ō mōhiohio mō te pūrongo tatauranga kia taea ai e mātou te aroturuki i te ahunga o ā mātou tāpuitanga puta i te motu – kāore koe e tautuhia i roto i ēnei pūrongo.

Whakataurite tau NHI

Mā mātou e hono ō taipitopito ki tō tau Taupū Hauora ā-Motu (NHI) mēnā kei a mātou ngā taipitopito tika mō tētahi tauritenga. Koinei tō tau tautuhi motuhake i te pūnaha hauora.

Ka whakapā atu pea tō mātou rōpū ki a koe mēnā kāore e taea te whakataurite i a koe ki tō NHI, ā, ka tuku ki a koe tētahi mea hou mēnā e tika ana.

Ngā tāpuitanga kua whakakorea

Ki te whakakore mātou i tētahi tāpuitanga mō tētahi take, mā mātou koe e whakamōhio atu mā ngā taipitopito whakapā i homai e koe, me te tāpiri kupu āwhina me pēhea te tāpui anō.

Ka whakakorea pea ngā tāpuitanga mēnā kāore e taea e mātou te whakataurite i a koe ki tētahi tau NHI, ā, kāore e taea te whakapā atu ki a koe mā ngā taipitopito whakapā kua tukua mai.

Ngā tāpui tāware

Tērā pea ka tohaina ngā mōhiohio ki ētahi atu tari mēnā e whakaaro ana mātou kua whakaritea tētahi tāpuitanga tāware, i te wā rānei e whakamātau ana tētahi ki te whakamahi i te tuakiri o tētahi atu.

Mēnā kei te tāpui tētahi mōu

Ka taea e koe te whakamana i tētahi atu tangata ki te whakarite tāpuitanga mōu, engari me whakaū rātou kei a rātou tō whakaaetanga ki te mahi i tēnei.

Ngā wāhui mā te hunga 12 ki te 15 tau

Mēnā kei raro koe i te 12 tau kāore koe i te āhei ki te whiwhi i te kano ārai mate KOWHEORI-19.

I māraurau ake ngā taiohi kei waenga i te 12-15 tau mō te kano ārai mate i te 20 o Hereturikōkā 2021. E whakahau ana mātou kia kōrerotia te kano ārai mate ki tō whānau, tētahi tangata e whakaponotia ana rānei e koe.

Ka kōrero tētahi mātanga hauora ki a koe mō te kano ārai mate i mua i tō pūwero kano. Ka taea hoki e koe te whiu i ō pātai ki a ia mēnā he pātai āu. Mēnā e mārama pai ana koe, māhau tonu e whakaae, whakahē rānei ki te whiwhinga i te kano. Ka taea rānei e tō matua, kaitiaki rānei te tuku whakaaetanga mōu mēnā e hiahia ana koe.

Ngā mōhiohio mā te hunga 12 ki te 15 tau

Te tiaki i ō mōhiohio

Ka puritia ō mōhiohio whaiaro, ka whakahaeretia hoki i runga anō i te Privacy Act me te Health Information Privacy Code. Kua oti te whakarite i ngā tukanga haumaru hei tiaki i ō mōhiohio kia kore e āheitia kore whakamana.

Kua whakatepetia te urunga ki ō mōhiohio ki ngā kaiwhakamahi whakamana. Kua hopukina tēnei whakaurunga, ā, ka taea te arotake.

E taea ai te hautū i Tāpuitia Taku Kano Ārai, ka whakamahi mātou i a Amazon Web Services kei Poihākena, Ahitereiria.

Ko wai e kite ana, e āhei ana hoki ki ō mōhiohio

Ka tohaina e mātou ēnei mōhiohio ki te hunga me ngā rōpū e whai wāhi ana ki te whakahaerenga o ō toronga kano ārai mate, me te whakarato i te kano ki a koe. Me āhei mātou ki te:

tautuhi i a koe ina tāpui ana, ā, i tō taenga ki te toronga
kōrero ki a koe ina whai mōhiohio hāngai ki a koe, ki te tautoko rānei i a koe kia tae atu ki tō toronga
hono i ō taipitopito ki tō tau NHI, ki te Rēhita Awhikiri KOWHEORI-19 hoki i te wā ka tae koe ki tō whiwhinga kano ārai mate
whakahaere i ngā rauemi kia nui rawa ngā kano ārai mate i te wāhi tika i te wā tika
tautuhi me te whakapai ake i te hōtaka kano ārai mate mā te:
- pūrongo i te nui o ngā tāngata e tāpui ana, e haere atu ana hoki ki ngā werohanga kano ārai mate
- mārama ki te āheinga o ngā whare kano ārai mate
- aroturuki i te whaihua o te hōtaka kano ārai mate.

Tāpiri ake, ka puritia ō mōhiohio ki te pātengi raraunga pūrongo haumaru a te Manatū Hauora, ā, ka whakamahia hei tautoko i te urupare KOWHEORI-19. Ka uru pea te whakataurite ki ētahi atu huinga raraunga a te Manatū Hauora. E kore koe e tautuhia i roto i ngā pūrongo ka puta hei wāhanga o ēnei mahi pūrongo.

Mēnā kei raro koe i te 16 tau, ka tono pea tō matua, kaitiaki rānei kia uru ki ō mōhiohio.

Ka kohia hoki ngā mōhiohio i a koe i te wā ka tae koe ki ō werohanga kano ārai mate. Ka whakahaere motuhaketia tēnei e nga kaimahi kano ārai mate.

Te kano ārai mate KOWHEORI-19 me tō tūmataititanga

Te roa o te puritanga o ō mōhiohio

Ka puritia ō mōhiohio ki te pūnaha tāpui o Tāpuitia Taku Kano Ārai, ā, i te pātengi raraunga pūrongo haumaru a te Manatū Hauora, kia whakakorea rā anō te Urupare Hauora Tūmatanui KOWHEORI-19 2020, i runga rānei i ngā herenga o te Public Records Act 2005.

Te āhei atu, te panoni rānei i ō mōhiohio

Hei tirotiro i ngā mōhiohio whaiaro e puritia ana e mātou mōu, mēnā rānei he māharahara āu, he pātai rānei mō ngā mōhiohio whaiaro e puritia ana e mātou, ā, ka hiahia ki te tono i tētahi whakatikahanga:

Īmēra: covid-19.privacy@health.govt.nz

Tuhi ki:
Te Āpiha Tūmataititanga
Te Manatū Hauora
Pouaka Motuhake / PO Box 5013
Te Whanganui a Tara / Wellington

Ka hiahia pea mātou ki te whakatūturu i tō tuakiri i mua i te whakarato i ētahi mōhiohio whaiaro ki a koe.

Google Analytics

Ka whakamahi mātou i a Google Analytics hei kohi me te tātari i ngā taipitopito mō te whakamahinga o tō mātou pae tukutuku. E kore e whakapaua he kaha ki te tautuhi i ngā kaiwhakamahi takitahi. Ka taea e koe te kōwhiri kia kaua e kohia ō mōhiohio e Google Analytics mā te mono i ngā pihikete i tō pūtirotiro, mā te tāuru rānei i te tāpiritanga pūtirotiro Google Analytics Opt-out.

Kei roto i ngā mōhiohio i kohia ko tō wāhitau IP, ngā whārangi i torohia e koe i te pae tukutuku, me ngā hononga i pāwhiria e koe, te rā me te wā i toro koe ki te pae tukutuku, te pae tukutuku tohutoro (mēnā tētahi), te pūnaha whakahaere i tō pūrere me te pūtirotiro e whakamahia ana e koe, me ētahi atu mōhiohio tūpono pēnei i te arinui o tō mata me te tautuhinga reo. Ka whakamahia anō a Google reCAPTCHA.

Google Analytics Privacy Policy

Whakapā mai

Mēnā he āwangawanga āu mō tō tūmataititanga, īmēra ki covid-19.privacy@health.govt.nz.

Ki te kore koe e rata ki tā mātou urupare ki āu āwangawanga tūmataiti, ka taea e koe te whakapā atu ki te Tari o te Kaikōmihana Tūmataiti.

Whakapā mai ki a mātou – Kaikōmihana Tūmataiti